शनिबार दिउँसो नुवाकोटमा माइक्रो बस दुर्घटना हुँदा मृत्यु हुनेको संख्या ९ पुगेको छ। दुर्घटनामा अन्य ५ जना घाइते भएका छन्। नुवाकोटका नेपाल प्रहरीका डिएसपी सिद्धिविक्रम शाहले काठमाडौंबाट तालिममा नुवाकोट जाँदै गरेका नेपाली सेनाका सैन्य चढेको माइक्रो बस केउरेनीमा दुर्घटनामा परेको बताए।
काठमाडौंबाट त्रिशुली जाँदै गरेको बा १ ज ७५८३ नम्बरको माइक्रो बस दुर्घटना हुँदा ५ जना नेपाली सेनाका तालिमरत सैन्यको मृत्यु भएको पुष्टि भइसकेको नेपाली सेनाका प्रवक्ता सहायक रथी ताराबहादुर कार्कीले सेतोपाटीलाई बताए। सो माइक्रो बसका १३ जना सैनिक र केही सर्वसाधारण सवार थिए।
दुर्घटनामा परी चालक बेलकोट–२ घर भएका २२ वर्षीय दामोदर कँडेल, त्रिशूली सैन्य तालिम केन्द्रमा तालिम लिइरहेका सैनिक रिक्रुट सन्तोष बोगटी, ईश्वर कार्की, यशोदा कार्की र पदम राईको मृत्यु भएको छ। अन्यको भने अझै सनाखत हुन सकेको छैन।
घाइतेको उद्धार गरी नेपाली सेनाको एमअाइ १७ हेलिकोप्टरबाट काठमाडौंको छाउनीस्थित सैनिक अस्पतालमा ल्याउने तयारी भइरहेको नेपाली सेनाले जनाएको छ।
Sign up here with your email
ConversionConversion EmoticonEmoticon